مقاوەمەی ئیسلامی: هێرشمان كردە سەر ئامانجێكی ئیسرائیل

ئاڤا نیوز

مقاوەمەی ئیسلامی لە عێراق لە ڕاگەیێنراوێکدا ڕایگەیاند  "بە درۆن هێرشمان کردووەتە سەر ئامانجێکی سەربازی ئیسرائیل لە جۆلان".

چیرۆکی سەرەکی: مقاوەمەی ئیسلامی لە عێراق لە ڕاگەیێنراوێکدا ڕایگەیاند:" بەردەوامین لە بەرنامەی بەرەنگاربوونەوەی داگیرکەر و سەرکەوتنی خەڵکەکەمان لە غەززە، وەک وەڵامدانەوەیەکیش بۆ ئەو کۆمەڵکوژیانەی ئیسرائیل دەرحەق بە خەڵکی سڤیلی فەڵەستین لە ژن و کەسانی بەتەمەن دەیکات، جەنگاوەرانی مقاوەمەی ئیسلامی لە عێراق ئێوارەی ئەمڕۆ لە ڕێگەی درۆنەوە ئامانجێکی سەربازی ئیسرائیليان لە جۆلانی داگیرکراو پێکا، بەردەوامیش دەبن لەو جۆرە هێرشانە".

باکگراوند: لەحەوتی ئۆکتۆبەری ساڵی ڕابردووەوە، کاتێک حەماس هێرشی لەناکاوی کردە سەر ئیسرائیل، دواتریش ئیسرائیل هێرشی بۆ سەر کەرتی غەززە دەستپێکرد، گروپە چەکدارەکانی نزیک لە ئێران لە عێراق زیاتر لە 160 هێرشیان بۆ سەر هێزەکانی ئەمریکاو هاوپەیمانان لەسووریا و عێراق ئەنجامداوە، چەند جارێکیش ڕایانگەیاندووە کە هێرشیان کردووەتەسەر چەند بنکەیەکی ئیسرائیل لە سووریا.