عێراق: ئاستی گلدانەوەی ئاو لەمساڵدا زیادی کردووە

ئاڤا نیوز

 

وەزیری سەرچاوەکانی ئاوی عێراق ڕایگەیاند، ئاستی گلدانەوەی ئاو لەمساڵدا گەیشتووەتە 17 ملیار و نیو مەتر سێجا، بە بەراورد بە ساڵی ڕابردوو 10 ملیار مەتر سێجا زیادی کردووە.

 

لێدوانی فەرمی: عۆن زیاب، وەزیری سەرچاوەکانی ئاوی عێراق لە میانی دیدارێکی تەلەڤزیۆنی لەگەڵ ئاژانسی فەرمیی عێراق ڕایگەیاند: وشکبوونی زۆنگاوەکانیش پەیوەندی بە گۆڕینی سیستمی ئاو لە هەردوو ڕووباری دیجلە و فوراتەوە هەیە، ئێستا چەندین بەنداو  و پۆند لەسەر ئەو دوو ڕووبارە دروستکراون، بە جۆرێک ئێستا ئاستی گلدانەوەی ئاو لە بەنداوەکانی تورکیا گەیشتووەتە 89 ملیار مەتر سێجا.

 

زانیاریی زیاتر: بە مەبەستی ڕووبەڕووبوونەوەی قەیرانی کەمئاوی و وشکەساڵی، وەزیری سەرچاوەکانی ئاوی عێراق ئاماژە بەوە دەکات پلانیان هەیە بۆ ساڵی 2025 بەپێی ڕووبەری داچێنراو ڕسوماتی دارایی لەسەر بەکارهێنانی ئاو لە بواری کشتوکاڵدا بسەپێنن.

 

چارەسەرەکان: عۆن زیاب، بە پێویستی زانی پرسی ئاو بخرێتە پێش هەموو پرسەکانی دیکە و دەڵێت: ئەوەشی کە کراوە لە ئاستی پێویستدا نەبووە، کەمی تەرخانکردنی بودجە یەکێکە لەو کێشانەی کە ڕووبەڕووی قەیرانی وشکەساڵی و کەمی ئاو دەبێتەوە.