کونسوڵی کۆریای باشوور: بە کارەکانی سەرۆکوەزیران مەسرور بارزانی سەرسامم

ئاڤا نیوز

 

بەهۆی هەوڵە بەردەوامەکانی سەرۆکوەزیران مەسرور بارزانی، بۆ پێشخستنی هەرێمی کوردستان و فراوانکردنی پەیوەندییە هەمەجۆرەکان لەگەڵ وڵاتانی دراوسێ و جیهان، کونسوڵی گشتیی کۆریای باشوور لە هەولێر، پێی سەرسامە و بەگرنگییەوە سەیری کارەکانی دەکات.

 

لێدوانی فەرمی: سێنگچێڵ لیم، کونسوڵی گشتیی کۆریای باشوور لە هەولێر، لە لێدوانێکی تایبەتدا بۆ ئاڤا نیوز، باسی هەوڵەکانی سەرۆکوەزیران بارزانی لە بەرژەوەندیی خەڵک دەکات و دەڵێت: "ئایندەتان گەشە".

 

بابەتی ستراتیژی ڕۆژی پێنجشەممە 12-9-2024، مەسعوود پزیشکیان، سەرۆککۆماری ئێران وەک یەکەم سەرۆکی ئەو وڵاتە سەردانی هەرێمی کوردستانی کرد. کونسوڵی کۆریای باشوور خۆشحاڵی بەم سەردانە دەردەبڕێ و دەڵێت: "وەک هەمیشە هەوڵەکانی سەرۆکوەزیران مەسرور بارزانی بەرچاون بۆ دۆستایەتیی لەگەڵ وڵاتانی دراوسێ".

 

خاڵی ئەرێنی: بە ئاماژەکردن بەوەی ئەو سەردانانە بایەخی خۆیان هەیە و گرنگن، کونسوڵی کۆریای باشوور دەڵێت: "ئەو کارانەی سەرۆکوەزیران مەسرور بارزانی دەیانکات لە بەرژەوەندی خەڵکن، من بەو کارانەی سەرسامم و دڵنیام ئایندەتان زۆر ڕۆشنە".