بە ئامادەبوونی مەسرور بارزانی ئاهەنگی خولی ئەستێرەکانی عێراق بەڕێوەدەچێت

ئاڤا نیوز 

 

لە دهۆک بە ئامادەبوونی سەرۆکوەزیران مەسرور بارزانی، ئاهەنگی کردنەوەی خولی ئەستێرەکانی عێراق  بەڕێوەدەچێت. 

 

چیرۆکی سەرەکی: ئەمڕۆ هەینی،  یەکەم یاریی وەزری نوێی خولی ئەستێرەکانی عێراق لە دهۆک بەڕێوەدەچێت، هاوکات نمایشی وەرزشی و کولتوورییش ئەنجام دەدرێن.

 

لێدوانی فەرمی: سەرۆکوەزیران مەسرور بارزانی لە میانی بەشداریکردنی لە رێوڕەسمەکە گوتی، خۆشحاڵم لەم بۆنە وەرزشییە ئامادەم و هیوادارم هەردوو یانەکە یارییەکی خۆش پێشکەش بە ئامادەبووان  بکەن.

 

زانیاریی زیاتر: خاڤێر تێباس سەرۆكی ئەنجوومەنی لالیگای ئیسپانیا و عەدنان دەرجاڵ سەرۆكی فیدراسیۆنی تۆپی پێی عێراق ئامادەی ڕێوڕەسمەکە دەبن، یاریی کردنەوەی خولەکە لە نێوان یانەی دهۆک و زەورا بەڕێوەدەچێت.

 

 

ئەمەش بزانە: لە ڕێوڕەسمەکە چەندین نمایشی وەرزشی و کولتووریی لەنێو یاریگەی دهۆک ئەنجام دەدرێن.

باکگراوند:  ئەمساڵ خولی ئەستێرەکانی عێراق بە بەشداریی 20 یانە بەڕێوەدەچێت، هاوکات بۆ دووەم وەرز لەسەریەک، لالیگای ئیسپانیا چاودێری خولی ئەستێرەکانی عێراق دەکات.