جۆزێف بۆرێل: هیچ کەسێک ناتوانێت ناتانیاهۆ ڕابگرێت

ئاڤا نیوز

 

لە کۆبوونەوەی ساڵانەی نەتەوە یەکگرتووەکان، بەرپرسی سیاسەتی دەرەوەی یەکێتی ئەوروپا نیگەرانی خۆی دەربڕیوە لەوەی کە هیچ هێزێک ناتوانێت سەرۆکوەزیرانی ئیسرائیل ڕابگرێت.

 

وێنە گەورەکە:  لە دوای زیادبوونی گرژییەکانی نێوان حیزبوڵڵا و ئیسرائیل، ئەمریکا و کۆمەڵگەی نێودەوڵەتیی هەوڵدەدەن لە ڕێگەی دیپلۆماسییەوە کۆتایی بەم شەڕە بهێنن و ئاگربەستێک ڕابگەیەنن

 

لێدوانی فەرمی: جۆزێف بۆرێل،  بەرپرسی سیاسەتی دەرەوەی یەکێتی ئەوروپا ڕایگەیاند: "ئەوەی ئێمە دەیکەین هەموو فشاری دیپلۆماسییە بۆ ئاگربەست، بەڵام لەوەناچێت هیچ کەسێک توانای وەستاندنی نەتانیاهۆ هەبێت، نە لە غەززە و نە لە کەناری ڕۆژئاوای داگیرکراو".

 

 بۆرێل باسی لەوەشکرد: "ئێمە ناتوانین تەنها پشت بە ئەمریکا ببەستین، ئەمریکا چەندین جار هەوڵی دا بەڵام سەرکەوتوو نەبوو".