پەرلەمانی عێراق داوای ڕاگەیاندنی ماتەمینی گشتی دەکات

ئاڤا نیوز 

 

 

پەرلەمانی عێراق داوا لە حکومەت دەکات بەبۆنەی کوژرانی ئەمینداری گشتی حیزبوڵڵا بۆ ماوەی سێ ڕۆژ ماتەمینی ڕابگەیێنرێت.

 

چیرۆکی سەرەکی: پەرلەمانی عێراق پێشتر ڕایگەیاند: ڕۆژی شەممە 28ی ئەیلوولی 2024  کاتژمێر 13:00ی دوای نیوەڕۆ دانیشتنێکی تایبەت لەبارەی هێرشەکانی ئیسرائیل بۆ سەر لوبنان دەکات.

 

وێنە گەورەکە: ڕۆژی شەممە 28-9-2024 سوپای ئیسرائیل کوژرانی حەسەن نەسروڵڵا، ئەمینداری گشتیی حیزبوڵڵای لوبنانی لە هێرشێکی ئیسرائیل بۆسەر باڵەخانەیەک لە بەیرووت ڕاگەیاند و دوای چەند کاتژمێرێک حیزبوڵڵا کوژرانی سەرکردەکەیانی پشتڕاست کردەوە.

 

چی ڕوویدا: پێش دەستپێکردنی دانیشتنتە تایبەتەکەی پەرلەمان ژمارەیەک لە ئەندامانی پەرلەمان  لە نێو باڵەخانەی پەرلەمان گردبوونەوەیەکی ناڕەزایەتیان ئەنجامدا و  چەندین دروشمیان بۆ سەرکۆنەکردنی هێرشەکانی ئیسرائیل بەرزکردەوە.

 

ڕاگەیێنراوی فەرمی: نووسینگەی پەرلەمانی عێراق ڕایگەیاند: پەرلەمانی عێراق بە سەرۆکایەتی موحسین مەندەلاوی، سەرۆکی بە وەکالەتی پەرلەمان کۆبووەوەو  لە کۆبوونەوەکەدا داوا لە حکومەتی عێراق کرا بۆ ماوەی سێ ڕۆژ لە عێراق ماتەمینی ڕابگەیێنێت.