زێلینسکی: ترەمپ پشتیوانی ئۆکراینا دەکات

ئاڤا نیوز

 

ڤۆلۆدیمیر زێلینسکی، سەرۆکی ئۆکراینا لە چاوپێکەوتنێکدا لەگەڵ کەناڵی فۆکس نیوز ڕایگەیاند، ئەگەر ترەمپ دووبارە ببێتەوە سەرۆکی ئەمریکا، پشتیوانی لە ئۆکراینا دەکات لە شەڕی دژ بە ڕووسیا.

 

چیرۆکی سەرەکی: ڤۆلۆدیمێر زێلینیسکی، بەشداری لە کۆبوونەوەی گشتی نەتەوە یەکگرتووەکانی لە ئەمریکا  کرد و "پلانی سەرکەوتن"ـی لە جەنگی دژ بە ڕووسیا پێشکەش بەواشنتن کرد. 

 

ڕاگەیێنراوی فەرمی: ڤۆلۆدیمیر زێلینسکی، سەرۆکی ئۆکراینا، ڕایگەیاند "نازانم دوای هەڵبژاردنەکان چی ڕوودەدات و کێ دەبێتە سەرۆک، بەڵام لە دۆناڵد ترەمپەوە زانیاری زۆر ڕاستەوخۆم وەرگرت کە لەگەڵ ئێمە دەبێت و پشتگیری ئۆکراینا دەکات''. 

 
زانیاریی زیاتر:  هەڵبژاردنی سەرۆکایەتیی ئەمریکا نزیک دەبێتەوە، ترەمپ و هاریس دوو بەربژێری پۆستی سەرۆکایەتیی ئەمریکان، هەڵوێستی جیاوازیان هەیە سەبارەت بە پشتیوانیکردنی ئۆکراینا لە سێیەم ساڵی جەنگەکەی لەگەڵ ڕووسیا.