مەسرور بارزانی: لە قۆناغێکی هەستیاردا بەرەو هەڵبژاردن دەڕۆین

ئاڤا نیوز

 

مەسرور بارزانی، جێگری سەرۆكی پارتی دیموكراتی كوردستان، لەگەڵ چین و توێژە جیاوازەكانی هەولێر كۆبووەوە و لەمیانەدا ڕایگەیاند لە قۆناغێكی هەستیار بەرەو هەڵبژاردن هەنگاو دەنێین.

 

لێدوانی فەرمی: مەسرور بارزانی، جێگری سەرۆكی پارتی دیموكراتی كوردستان ڕایگەیاند: پارتی خۆی كردووەتە قوربانیی خەڵكی كوردستان، ئێستا لە قۆناغێكی هەستیارداین بەرەو هەڵبژاردن هەنگاو دەنێین، پێویستە دەنگەكانمان بۆ لیستی 190ی پارتی بێت.

 

لەلایەكی دیكەوە: مەسرور بارزانی ڕاشیگەیاند: پارتی بۆ پاراستنی پێناسەی نیشتیمان دروست بووە، هەڵبژاردن تاكە ڕێگەیە بۆ ئەوەی شێوازی حكومڕانی وڵاتەكەمان دیاری بكەین، پارتی هیوا و ئومێدە.

 

ئەوەی پێویستە بیزانیت: پارتی بە لیستی ژمارە 190 بەشداریی لە هەڵبژاردنی خولی شەشەمی پەرلەمانی کوردستان دەکات و 190 بەربژێریشی لە هەرچوار بازنەی هەڵبژاردن هەیە: هەولێر 64، سلێمانی 72، دهۆک 48 و هەڵەبجە 6 بەربژێر.