زیاتر لە بیست وڵات هاووڵاتییانی خۆیان دەگوازنەوە دەرەوەی لوبنان

ئاڤا نیوز

 

دوا بە دوای ئاڵۆزتر بوونی گرژییەکانی نێوان ئیسرائیل و حیزبوڵڵا و تێکچوونی ئاسایشی لوبنان، ژمارەیەک وڵات کار لەسەر ئەوە دەکەن هاووڵاتییانیان بگوازنەوە دەرەوەی لوبنان.

 

وێنە گەورەکە: دوای کوشتنی حەسەن نەسروڵڵا، ئەمیدناری گشتیی حیزبوڵڵای لوبنان لە هێرشێکی سوپای ئیسرائیل لە بەیرووت و بۆردوومانکردنی چەند ناوچەیەکی ئیسرائیل لەلایەن حیزبوڵڵاوە، ئەمڕۆش سوپای ئیسرائیل هێرشی "زەمینی سنووردار"ـی بۆسەر باشوری لوبنان ڕاگەیاند، ئێستا مەترسی خراپتر بوونی دۆخەکە دەکرێت، بەوهۆیەشەوە، بەشێک لەوڵاتان لەهەوڵدان هاووڵاتییانیان بەسەلامەتی ببەنە دەرەوەی لوبنان. 

 

ڕاگەیێندراوی فەرمی: وەزیری دەرەوەی تورکیا ڕایگەیاند: ئێمە لە ئامادەباشیداین بۆ ئەوەی بەسەلامەتی هاووڵاتییانمان لە ڕێگەی ئاسمانیی و دەریاییەوە بگوازینەوە دەرەوەی لوبنان.

 

زانیاریی زیاتر: زیاتر لە 20 وڵات کار لەسەر گواستنەوەی هاووڵاتییانیان لە لوبنان دەکەن لەوانە: ئوسترالیا، بەریتانیا، بولگاریا، کەنەدا، قوبرس، فەرەنسا، ئەڵمانیا، یابان، فلیپین و پۆرتوگال هتد..