جگەرەکێشان کاریگەریی هەیە لەسەر تەمەندرێژی مرۆڤ؟

ئاڤا نیوز

 

توێژینەوەیەکی نوێ دەریدەخات، ئەگەر مرۆڤ لە تەمەنی 75 ساڵیشدا دەستبەرداری جگەرەکێشان بێت، کاریگەریی لەسەر تەمەن درێژی دەبێت.

 

بڵاوکراوەی فەرمی: توێژینەوەیەک لەلایەن زانایانی تەندروستی گشتیی لە زانکۆی میشیگان لە ئەمریکا، ئەوە پشتراست دەکاتەوە کە وازهێنان لە جگەرەکێشان، باشترین چارەسەرە بۆ تەندروستی جەستە و تەمەن درێژی مرۆڤ، دۆزینەوەکان ئەوە دەردەخەن کە هیچ کاتێک درەنگ نییە بۆ هەڵبژاردنی شێوازێکی ژیانی تەندروست.

 

بۆچی گرنگە: بەپێی خەمڵاندێک کە لەلایەن توێژەران ئەنجامدراوە و دەرکەتووە، ئەو کەسانەی کە پێشتر جگەرەکێشبوون و لە تەمەنی 35 بۆ 75 ساڵدایە وازیانهێناوە، بەڕێژەیەکی بەرچاو کاریگەریی لەسەر تەمەن درێژیان هەبووە.