ئاگادارییەک لە وەزارەتی دارایی بۆ فەرمانبەران

ئاڤا نیوز

ئەو فەرمانبەر و مووچەخۆرانەی تا ئێستا بایۆمەترییان نەکردووە، ئاگادار دەکرێنەوە سبەی هەینی و دووسبەی شەممە کە پشووە، لە سەرجەم بانکە بازرگانییەکان دەوام دەکرێت بۆ ئەوەی خۆیان تۆمار بکەن. 

ڕاگەیێنراونی فەرمی: بەڕێوبەرایەتیی گشتیی بانکە بازرگانییەکانی وەزارەتی دارایی و ئابووریی هەرێمی کوردستان ڕایدەگەیێنێ: لەپێناو کارئاسانی زیاتر بۆ ئەو فەرمانبەر و مووچەخۆرانەی تا ئێستا بایۆمەترییان نەکردووە، سبەی هەینی و دوو سبەی شەممە دەوامی سەرجەم ئەو بانکانە کراوە دەبێت کە ئەرکی تۆمارکردنی بایۆمەتریان تیادا دەکرێت، مووچەخۆران و فەرمانبەران دەتوانن سەردانی بانکەکان بکەن بەمەبەستی خۆتۆمارکردنیان لە سیستەمی بایۆمەتری.

 

وێنە گەورەکە: هەولێر و بەغدا لەبارەی پرسی مووچە ڕێککەوتوون تاوەکو کۆتایی ئەمساڵ سەرجەم گرفتەکان چارەسەر بکرێن، یەکێک لە گرفتەکان نەبوونی بایۆمەتری مووچەخۆرانە و دەبێت تا ئەوکات سەرجەمیان بایۆمەتری بکەن.

 

ژمارەکان وادەڵێن: بەگشتی ژمارەی مووچەخۆران یەک ملیۆن و 114 هەزار و 63 کەسە، 20%ی مووچەخۆران کە دەکاتە نزیکەی 223 هەزار مووچەخۆر تاوەکو ئێستا بایۆمەترییان نییە.