عێراق داوای ڕاگرتنی هێرشەکانی ئیسرائیل بۆسەر لوبنان دەکات

ئاڤا نیوز

 

وەزارەتی دەرەوەی عێراق داوای دەستبەجێ ڕاگرتنی هێرشەکانی ئیسرائیل بۆسەر لوبنان دەکات، داواش لە کۆمەڵگەی نێودەوڵەتی دەکات ئەرکی خۆی بۆ پاراستنی یاسای نێودەوڵەتی و هێزەکانی ئاشتی پارێز لەو وڵاتەدا جێبەجێ بکات.

 

وێنە گەورەکە: لە چەند کاتژمێری ڕابردوو ئیسرائیل، هێزێکی ئاشتی پارێزی سەر بە نەتەوە یەکگرتووەکانی لە باشووری لوبنان بەئامانج گرت و بەهۆیەوە چەند سەربازێک برینداربوون، پێشتر ئیسرائیل داوایکردبوو ئەو هێزە پێنج کیلۆمەتر لەسنوور دووربکەونەوە تا ڕووبەڕووی مەترسی نەبنەوە.

 

ڕاگەیێنراوی فەرمی: وەزارەتی دەرەوەی عێراق بڵاویکردەوە، هێرشەکەی ئیسرائیل بۆ سەر هێزەکانی ئاشتی پارێز لە لوبنان سەرکۆنە دەکات و جەخت دەکاتەوە کە ئەو ڕووداوە پێشێلکردنی یاسای نێودەوڵەتییە و هەوڵە نێودەوڵەتییەکانیش بۆ ڕاگرتنی گرژییەکان لاواز دەکات.

 

زانیاریی زیاتر: وەزارەتی دەرەوەی عێراق داوا دەکات هۆکاری پاراستنی تەواو بۆ هێزەکانی ئاشتی پارێز دابین بکرێت و گرژییەکان دەستبەجێ ڕابگیرێن، داواش دەکات کۆمەڵگەی نێودەوڵەتی ئەرکی خۆی بۆ پاراستنی یاسای نێودەوڵەتیی و دووبارە نەبوونەوەی ڕووداوی هاوشێوە جێبەجێ بکات.