سیداد بارزانی: دەیان کەس لەسەر بیروڕای جیاواز لە دەڤەری ڕاپەڕین خەڵتانی خوێن کراون
- کوردستان
- 13 تشرینی یەکەم

سیداد بارزانی، نوێنەری سەرۆک بارزانی لەکاتی پێشکەشکردنی گوتارێک لە دەڤەری پشدەر و بیتوێن
ئاڤا نیوز
سیداد بارزانی لەمیانی بەشداریکردنی لە کەرنەڤاڵێکی بانگەشەی پارتی لە دەڤەری پشدەر و بتوێن دەڵێت، ئەم دەڤەرە لانکەی شۆڕش و خەبات بووە، بەڵام وەک پێویست لەڕووی ئاوەدانی و گەشەپێدان و خزمەتگوزاری بایەخی پێنەدراوە، ئۆباڵی ئەمەش دەخاتە ئەستۆی حیزب و لایەنی دەسەڵاتداری ئەو سنوورە.
چیرۆکی سەرەکی: لیستی 190ی پارتی بە ئامادەبوونی سیداد بارزانی، ئەندامی مەکتەبی سیاسیی پارتی لە دەڤەری پشدەر و بیتوێن کەرنەڤاڵێکی ڕێکخست. ناوبراو گوتارێکی پێشکەش کرد و لە ڕستەیەکدا هەموو شتێکی بڕاندەوە: "بە ڕێگایەکدا هاتین بۆ دەڤەری ڕاپەڕین ساڵانی نەوەدەکان ڕێگاکە باشتر بوو، خەڵکی دەڤەرەکە دەتوانن لەسەر سندووقی دەنگدان ئەو ڕێگەیە بکەنە پێوەر بۆ ئەوەی بزانن کێ خزمەت دەکات".
لێدوانی فەرمی: سیداد بارزانی ئاماژەی بە ڕەوشی ئازادی و سەقامگیری دەڤەرەکە کرد و گوتی: دەیان کەس لەسەر بیروباوەڕی جیاواز لە دەڤەری ڕاپەڕین خەڵتانی خوێن کراون. باسی لەوەش کرد ئاگادارن پارتییەکانی ئەو سنوورە بەهۆی پارتیبوونیان دووچاری فشار و مەحروومیەت بوونە، لەبەرامبەر ئەوەدا سوپاسی سەرۆک بارزانی پێگەیاندن.
لەلایەکی دیکەوە: ئەندامی مەکتەبی سیاسیی پارتی ئەنجامی هەڵبژاردنەکانی 30 ساڵی ڕابردووی بەبیرهێنایەوە و گوتی: "پارتی حیزبی یەکەم و براوەی یەکەم بووە، بە پشتیوانی خوای گەورە و هیمەتی ئێوە، پارتی هەر یەکەم دەبێت و دەیبەینەوە، بردنەوەی پارتی بەمانای مانەوەی کوردستان و بەهێزترکردنێتی، پارتی حیزبی ئارامی و ئاوەدانی و ئاشتی و بونیاتنانە، نەوەک ڕووخاندن و تێکدان، لە 20 ئۆکتۆبەر بە هەمان حەماستی داستانی پردێ و سحێلا سەرکەوتن تۆمار دەکەین".
زیاتر لەسەر ئەم بابەتانە بکۆڵەرەوە
دوایین هەواڵەکان
- جیهان
- 9 کاتژمێر لەمەوپێش
فەرەنسا: ئەوروپا هەڵەبوو لە سەپاندنی باج لەسەر کحولی ئەمریکا
- تەندروستی
- 9 کاتژمێر لەمەوپێش
فشاری دەروونی دەبێتە هۆی قژ هەڵوەرین
- عێراق
- 9 کاتژمێر لەمەوپێش
سوودانی دڵنیایی دەداتە ئەمریکا لە پاراستنی هێزەکانیان لە عێراق
هەڵبژاردەکان بۆ تۆ
- کوردستان
- 10 کاتژمێر لەمەوپێش
وەزارەتی کارەبا بەرهەمهێنانی کارەبا زیاد دەکات
- کوردستان
- 11 کاتژمێر لەمەوپێش
درۆنێکی تورکی لە قەزای دووکان دەکەوێتە خوارەوە
- کوردستان
- 16 کاتژمێر لەمەوپێش
ناوەڕۆکی کۆبوونەوەی مەسرور بارزانی و بافڵ تاڵەبانی
- کوردستان
- 17 کاتژمێر لەمەوپێش
چەند پەیامێک لە مەسرور بارزانی و بافڵ تاڵەبانییەوە