کۆمیسیۆن لەبارەی دەنگدانی تایبەت و گشتی ڕوونکردنەوە دەدات

ئاڤا نیوز 

 

کۆمیسیۆن ڕایگەیاند، پرۆسەی دەنگدان بۆ هەڵبژاردنی پەرلەمانی کوردستان لەهەردوو ڕۆژی دەنگدانی تایبەت و گشتی لە کاتژمێر 7:00ی بەیانی دەستپیدەکات و تا کاتژمێر 6:00ی ئێوارە بەردەوام دەبێت و  ماوەکەی درێژناکرێتەوە.

 

وێنە گەورەكە: ڕۆژی هەینی 18-10-2024، دەنگدانی تایبەت و 20-10-2024 دەنگدانی گشتی بۆ خولی شەشەمی پەرلەمانی كوردستان بەڕێوەدەچێت، کۆمیسیۆنیش دڵنیایی داوە هەموو ئامادەکارییەکان بۆ ئەو هەڵبژاردنە تەواو بوون.

 

ڕاگەیێنراوی فەرمی: کۆمیسیۆنی هەڵبژاردنەکانی عێراق بڵاویکردەوە، لەهەردوو هەڵبژاردنی تایبەت و گشتی، لە کاتژمێر 7:00ی بەیانی تا کاتژمێر 6:00ی ئێوارە بنکەکانی دەنگدان کراوە دەبن و پرۆسەی دەنگدانیش درێژناکرێتەوە، چونکە کاتی کردنەوە و داخستنی سندوقەکانی دەنگدان بەشێوەی ئەلیکترۆنی دەبێت.

 

ئەوەش بزانە:  دەنگدان تەنیا لەڕێگەی کارتی بایۆمەترییەوە دەبێت و بەگوێرەی بڕیاری لیژنەی باڵای ئەمنیش، ڕێگە نادرێت بەبردنەژوورەوەی مۆبایل بۆ ناو بنکە وێستگەکانی دەنگدان.