هاتووچۆی هەولێر تووشی کێشەی لەناکاو دەبێت

ئاڤا نیوز

 

بەڕێوەبەرایەتیی هاتووچۆی هەولێر ئاگادارییەك بڵاودەكاتەوە و تیایدا داوا لە هاووڵاتیان دەكات تا دوای هەڵبژاردن سەردانی بەڕێوەبەرایەتییەكە نەكەن.

ڕاگەیێنراوی فەرمی: بەڕێوەبەرایەتیی هاتووچۆی هەولێر ڕایگەیاند: ئاگاداری هاووڵاتیان دەکەینەوە بەهۆی دروستبوونی کێشەی لەناکاو لە سێرڤەری بەڕێوەبەرایەتییەکەمان و ئەپدەیتكردنەوەی، تکایە سەردانی بەشی هونەری و بەشی مۆڵەتی بەڕێوەبەرایەتییەكەمان مەكەن تا پشووی دوای هەڵبژاردن.

لەلایەكی دیكەوە: هاتووچۆی هەولێر هاووڵاتیان ئاگادار دەكاتەوە، هیچ كەسێك سزای دواكەوتنی نایەتەسەر لەو ماوەیەی ئاماژەی پێكراوە.

 

ئەوەی پێویستە بیزانیت: بڕیارە ڕۆژی یەکشەممە 20-10-2024، دەنگدانی گشتی بۆ خولی شەشەمی پەرلەمانی کوردستان بکرێت، تاوەکو ئێستاش حکومەت پشووی فەرمی ڕانەگەیاندووە ئایا چەند ڕۆژ بەهۆی هەڵبژاردنەوە پشوو دەبێت.