سندوقی دراوی نێودەوڵەتیی بڕی یەک ملیار و 100 ملیۆن دۆلاری دیکە بۆ ئۆکراینا خەرج دەکات

ئاڤا نیوز

 

سندوقی دراوی نێودەوڵەتیی، بڕیاری خەرجکردنی بڕی یەک ملیار و 100 ملیۆن دۆلاری دیکەی بۆ ئۆکرانیا دا، ئەمەش دوای ئەوەی دەستەی کارگێڕی سندوقی دراوی نێودەوڵەتیی ئەو ڕێکەوتننامەیەی پەیوەستە بە پێداچوونەوەی پێنجەمی بەرنامەی هاوکارییەکانی ئێستای ئۆکرانیای پەسەند کرد.

 

وێنە گەورەکە: ئەم بەرنامەیە بەشێکە لە پلانێکی گەورەی هاوکاری نێودەوڵەتیی کە کۆی گشتیی 122 ملیار دۆلارە، کە لە مانگی ئازاری 2023 لەلایەن هەموو ئەو وڵاتانەوە پەسەندکرا کە لە سەرەتای هێرشەکەی ڕووسیا لە شوباتی 2022 پشتیووانی ئۆکرانیایان کردووە.

 

زانیاریی زیاتر: لەگەڵ زیادکردنی ئەو پارەیە، بڕی خەرجکراو بۆ ئۆکرانیا دەگاتە 8.7 ملیار دۆلار لە کۆی 15.6ملیار دۆلار کە لە بەرنامەکەدا دیاری کراوە.

 

ڕاگەیێنراوی فەرمی: کریستالینا جۆرجیڤا، بەڕێوەبەری سندوقی دراوی نێودەوڵەتیی  ڕایگەیاندووە، بە لەبەرچاوگرتنی کاریگەرییەکانی شەڕی بەردەوامی نێوان ڕووسیا و ئۆکراینا 2022، پێدەچێت بوژانەوەی ئابووری ئۆکراینا بەهۆی کاریگەریی هێرشەکان بۆ سەر ژێرخانی وزە خاو بێتەوە ، ئەمەش وادەکات هێشتا ئەگەری مەترسییەکان زۆربێت.

 

لەلایەکی دیکەوە: حکومەتی ئۆکرانیا لە کۆتایی مانگی تەمموزدا ڕایگەیاند، گەیشتوونەتە ڕێککەوتنێک بۆ دووبارە داڕشتنەوەی بەشێکی قەرزە دەرەکییەکانیان بە بەهای 20 ملیار دۆلار.