دەنگدان بۆ هەڵبژاردنی سەرۆکی پەرلەمانی عێراق کەوتە گەڕی دووەم

ئاڤا نیوز

بەهۆی ئەوەی هیچ یەکێک لە چوار کاندیدەکە دەنگی پێویستیان نەهێنا، دەنگدان بۆ هەڵبژاردنی سەرۆکی پەرلەمانی عێراق کەوتە گەڕی دووەم.

چیرۆکی سەرەکی: دوای نزیکەی ساڵێک لە دوورخستنەوەی محەممەد حەلبووسی، ئێوارەی ئەمڕۆ پەرلەمانی عێراق بۆ هەڵبژاردنی سەرۆکێکی نوێ کۆبووەوە، پرۆسەی دەنگدان بەڕێوەچوو و 271 پەرلەمانتار بەشداریی دەنگدانیان کرد، بەڵام هیچ کاندیدێک نەیتوانی دەنگی پێویست واتە 166 دەنگ بەدەست بهێنێت.

ئەنجامی گەڕی یەکەمی دەنگدان:

مەحموود مەشهەدانی: 153 دەنگ

سالم عیساوی: 95 دەنگ

 عامر عەبدولجەبار: 9 دەنگ

دەنگی پووچەڵ: 14 دەنگ

تەڵاڵ زەوبەعی: سفر دەنگ (کشاوەتەوە)

لە پەیامنێرەوە؛ دەرون مەلا ناجی، پەیامنێری ئاڤا لە پەرلەمانی عێراق دەڵێت، نیو کاتژمێر پشوو ڕاگەیێنراوە و دواتر گەڕی دووەمی دەنگدان دەکرێت. لە گەڕی دووەم تەنها دوو کاندیدی کە زۆرینەی دەنگیان هێناوە دەمێننەوە و پێویستە یەکێکیان  50+1 دەنگ بهێنێت.