ژمارەی گیانلەدەستدان بەهۆی لافاوەکەی ئیسپانیا بۆ 205 کەس بەرزدەبێتەوە

ئاڤا نیوز

 

چەند ڕۆژێکە لافاوێکی بەهێز وڵاتی ئیسپانیای گرتووەتەوە، کە زەرەر و زیانێکی زۆری بەو وڵاتە گەیاندووە و تائێستاش نزیکەی 205 کەس بەوهۆیەوە گیانیان لەدەستداوە.

 

وێنە گەورەکە: لافاوە بەهێزەکەی چەند ڕۆژی ڕابردووی ئیسپانیا کە تائێستاش بەردەوامە، بووەتە هۆی داخستی زۆرێک لە شەقامە سەرەکییەکانی ئەو وڵاتە و بەشێکی هۆکارەکانی گواستنەوەی پەکخستووە، لافاوەکە بەیەکێک لە کارەساتە سروشتییەکانی پێنج دەیەی ڕابردووی ئەوروپا دادەنرێت.

 

زانیاریی زیاتر: تائێستا لە ئاکامی لافاوەکەدا 205 گیانیان لەدەستداوە و  یەکێک لەوانە یاریزانی پێشووی تۆپی پێی ڤالێنسیایە بەناوی خۆسێ کاستیلێخۆی  تەمەن 28 ساڵان.

کاریگەریی و لێکەوتەکان: جگە لە زیانی گیانیی، لافاوەکە زیانێکی زۆری ماددی بە باشووری ڕۆژهەڵاتی ئیسپانیا گەیاندووە و هەزاران ئۆتۆمۆبێلی تێکشکاندووە.