لە دوو ڕۆژدا 200 هەزار كەس سەردانی فێستیڤاڵی هەناری هەڵەبجەیان كردووە

ئاڤا نیوز

 

فێستیڤاڵی هەنار و پایزی هەڵەبجە سێ ڕۆژە بەردەوامە و لە ماوەی دوو ڕۆژی ڕابردوودا 200 هەزار كەس سەردانیان كردووە.

 

ڕاگەیێنراوی فەرمی: بەپێی ڕاگەیێنراوێكی بەڕێوەبەرایەتیی گەشتوگوزاری هەڵەبجە لە یەكەم ڕۆژی فێستیڤاڵەكەدا 80 هەزار كەس و لە دووەم ڕۆژیش 120 هەزار لە سەرجەم شار و شارۆچكەكانی هەرێمی كوردستانەوە سەردانی فێستیڤاڵەكەیان كردووە.

 

زانیاریی زیاتر: 10 ساڵە فێستیڤاڵی هەنار و پایزی هەڵەبجە بەردەوامە و ئەمساڵ سێ ڕۆژ دەخایەنیێت و زیاتر لە 600 جووتیار و خاوەن باخ بەشدارن، جگە لە هەنار، چەندین بەرهەمی خۆماڵیی دیكە نمایش كراون و دەفرۆشرێن.