لە جیاتی ئاڵتون، برنج و قەل و قاز وەک مارەیی دیاری دەکرێت لە سلیمانی

ئاڤا نیوز

 

 بەهۆی گرانبوونی نرخی ئاڵتون و کەمبوونەوەی ڕێژەی هاوسەرگیری لە هەرێمی کوردستان، لیژنەی فەتوا دەڵێت: بۆ کەمکردنەوەی بارگرانی هاوسەرگیری برنج و خواردن بکەن بە مارەیی هاوسەرگیری.

 

وێنە گەورەکە: ماوەی چەند مانگێکە نرخی زێڕ بەردەوام لە بەرزبوونەوەدایە، بەهۆیەوە بارگرانی زۆری لەسەر ئەو گەنجانە دروستکردووە کە دەیانەوێت پڕۆسەی هاوسەرگیری پێکبهێنن. 

 

زانیاریی زیاتر: بەهۆی گرانبوونی نرخی زێڕ و دروستبوونی کاریگەریی نەرێنی لەسەر پڕۆسەی هاوسەرگیری لە هەرێمی کوردستان، لیژنەی فتوای سلێمانی دەڵێت: بۆ نەهێشتنی بارگرانی لەسەر گەنجان دەکرێت لە جیاتی زێڕ برنج و قەل و قاز یان هەر شتێک بەهای هەبێت دەکرێت وەکو مارەیی بە ئافرەت بدرێت.