پەرلەمانتارێكی ئاكپارتی بۆ ئاڤا نیوز: لە ئامەد دەیبەینەوە

 ئاڤا نیوز

غالب ئەنسارئۆغلو، پەرلەمانتاری ئاكپارتی  دەڵێت "لە هەڵبژاردنی شارەوانییەكانی ئەمساڵ لە  ئامەد زۆرترین دەنگ بەدەستدەهێنن و دەیبەنەوە". 

بۆچی گرنگە: ئەم لێدوانەی ئاكپارتی لە كاتێكدایە، پارتی دەسەڵاتداری ئێستای توركیا لەگەڵ دەم پارتی لە پێشبڕكێدایە بۆ بردنەوەی شارەوانییەكانی باكووری كوردستان.

لێدوانی فەرميی: غالب ئەنسارئۆغلو، ئەندام پەرلەمانی پارتی داد و گەشەپێدانی توركیا بۆ ئاڤا نیوز گوتی: لە هەڵبژاردنەكانی 31ی ئادار (ئاكپارتی) لە زۆربەی شارەوانییەكانی توركیا ئەگەری بردنەوەی هەیە، بەڵام لە" ئامەد بردنەوەیەكی حەتمی بەدەست دەهێنین".

" بە گوێرەی پێشوازی جەماوەری ئێستەنبووڵ بۆ  كەرنەڤاڵی بانگەشەی هەڵبژاردنەكانی ئاكپارتی، ئەمجارە شارەوانی گەورەی ئیستەنبووڵ بۆ ئەو پارتە دەبێت".

پێدراوە ڕاستەكان: ئاڤا زانیویەتی لە بارەی پرسی كورد لە باكووری كوردستان  و توركیا، ئاكپارتی هیچ پلانێكی تایبەتی نییە "بۆ كورد و زمانی كوردی". 

زانیاريی زیاتر: بە گوتەی خۆیان ئەو پارتە خزمەت بە هەموو نەتەوە و زمانە جیاوازەكانی باكووری كوردستان و توركیا دەكەن.