کاتژمێرەکانی خەوتن بەپێی تەمەن دیاری دەکرێن

ئاڤا نیوز

دامەزراوەیەک لە مەکسیک شیکارییەکی سەبارەت بە پێویستیی خەوتن بەپێی تەمەنە جیاوازەکان بۆ ژیانێکی تەندروست بڵاوکردەوە.

زانیاریی بەدەستهاتوو: بەپێی شیکارییەکی دامەزراوەی نیشتمانی خەو لە مەکسیک کەلە ماڵپەری MSN بڵاوکراوەتەوە دەریدەخات،  ڕێکخستنی خەو بەپێی تەمەنەکان دەگۆڕێت و  ئەو کەسانەی لە دوای نیوەی شەوەوە دەخەون، مەترسی تووشبوونیان بە نەخۆشییەکانی دڵ بە ڕێژەی لە %12  زیاترە لە چاو ئەوانەی کە کاتژمێر 10ی شەو دەخەون.

 

پێشنیاری دامەزراوەکە بۆ کاتژمێرەکانی خەوتن بەپێی تەمەن بەم شێوەیەن: 

لە سەرەتایی لەدایکبوون بۆ سێ  مانگ: دەبێت 14 بۆ 17 کاتژمێر بخەون. 
لە چوار  بۆ 11 مانگ: دەبێت 12 بۆ 15 کاتژمێر بخەون.
لە تەمەنی یەک بۆ دوو ساڵی: دەبێت 11 بۆ 14 کاتژمێر بخەون.
لە تەمەنی سێ ساڵ بۆ پێنج ساڵ: دەبێت 10 بۆ 13 کاتژمێر بخەون.
لە تەمەنی شەش 13 ساڵ: دەبێت 9 بۆ 11 کاتژمێر بخەون.
لەتەمەنی 14 بۆ 17 ساڵ: دەبێت 8  بۆ 10  کاتژمێر بخەون.
لە تەمەنی 18 بۆ 25 ساڵ: دەبێت 7 بۆ 9  کاتژمێر بخەون.
لە تەمەنی 26 بۆ 64 ساڵ: باشترە لە نێوان 7 بۆ 9  کاتژمێر بخەون.
لە 65 ساڵ و سەرووترەوە: باشترە لە نێوان 7  بۆ 8 کاتژمێر بخەون.

 

ئەوەش بزانە: ئەم ڕێکخستنەی کاتژمێرەکانی خەوتن بۆ تەمەنە جیاوازەکان بە ڕەزامەندیی پزیشکی دەرونناس و پزیشکی منداڵان کراوە.