عێراق پێشوازی لە فەرمانی دەستگیركردن بۆ نەتانیاهۆ و گالانت دەکات

ئاڤا نیوز

 

حکومەتی عێراق ستایشی بڕیارەکەی دادگەی نێودەوڵەتیی تاوانەکانی کرد سەبارەت بە فەرمانی دەستگیرکردنی سەرۆکوەزیرانی ئیسرائیل و وەزیری بەرگریی پێشووتری ئیسرائیل.

 

چیرۆکی سەرەکی: ئەمڕۆ پێنجشەممە، دادگەی نێودەوڵەتیی تاوانەکان بە تۆمەتی تاوانی جەنگ و تاوانی دژ بە مرۆڤایەتی لە غەززە، دوو فەرمانی دەستگیرکردنی بۆ بنیامین نەتانیاهۆ، سەرۆکوەزیرانی ئیسرائیل و یۆئاڤ گالانت، وەزیری بەرگریی پێشووتری ئیسرائیل دەرکرد. 

 

لێدوانی فەرمی: باسم عەوادی، وتەبێژی حکومەتی عێراق ڕایگەیاند: بڕیارەکەی دادگای نێودەوڵەتیی تاوانەکان، بڕیارێکی دادپەروەرییە بۆ تۆڵەسەندنەوە لە خوێنی ئەو شەهیدانەی لە کۆمەڵکوژییەکانی ئیسرائیل کە زیاتر لە ساڵێکە لە غەززە و لوبنان ئەنجامی دەدات گیانیان لەدەستداوە.

 

بابەتە ستراتیژییەكان: بە گوتەی عەودای، عێراق داوا لە هەموو وڵاتان دەکات بڕیارەکەی دادگای نێودەوڵەتیی تاوانەکان جێبەجێ بکەن و هەردوو تاوانبار ڕادەستی دادگا بکەن.