پێنتاگۆن: لە مانگێکدا لە ڕۆژهەڵاتی ناوەڕاست 206 هێرش کراونەتە سەر هێزەکانمان

ئاڤا نیوز

 

وەزارەتی بەرگریی ئەمریکا ئاشکرای دەکات، لەماوەی یەک مانگی ڕابردوو زیاتر لە 206 جار هێرش کراوەتەوە سەر هێزەکانیان لە ڕۆژهەڵاتی ناوەڕاست.

 

وێنە گەورەکە: بەهۆی هێرشی ئیسرائیل بۆ سەر غەززە و  دواتر لوبنان، گرووپە چەکدارەکانی نزیک لە ئێران وەکو پاڵپشتییەک بەردەوام هێرش دەکەنە سەر بنکە سەربازییەکانی ئەمریکا لە عێراق و سووریا، ئەمەش بەهۆی ئەوەی ئەمریکا هاوکاری ئیسرائیل دەکات.

 

ڕاگەێینراوی فەرمی: وەزارەتی بەرگریی ئەمریکا (پێنتاگۆن) ڕایگەیاندووە، هێزەکانی ئەمریکا لەنێوان 18- 10 بۆ 21-11، زیاتر لە 206 هێرشیان کراوەتە سەر.  سەبارەت بە شوێنی هێرشەکانیش ڕایگەیاندووە، 125 هێرش لە سووریا و 79 هێرش لە عێراقەوە کراون، دوو هێرشیش لە ئوردن بوون. 

 

زیانە سەرەکییەکان: پێنتاگۆن وەک هەموو جارێک لەوبارەیەوە هیچ زانیارییەکی نەخستوەتەڕوو.

 

ئەوەی پێویستە بیزانیت: لە مانگی ئابی ڕابردوودا هێزەکانی ئەمریکا بە فەرمانی لۆید ئۆستن، وەزیری بەرگری، کەشتی جەنگی یو ئێس ئێس ئەبراهام لینکۆڵنی رەوانەی ڕۆژهەڵاتی ناوەڕاست کرد، بەڵام هەفتەی ڕابردوو ئەو کەشتییە کشایەوە، دوای ئەوەی کۆمەڵە بەرپرسێکی ئەمریکی بە هۆکاری زیادبوونی ئاڵۆزییەکان ناوەزەندیان کرد.