سەربازێکی ئەمریکی لە بەردەم باڵیۆزخانەی ئیسرائیل لە واشنتن خۆی دەسووتێنێت

ئاڤا دیجیتاڵ

سەربازێکی ئەمریکی کە لە هێزە ئاسمانییەکانی وڵاتەکەی وەک فڕۆکەوان خزمەتی کردووە، لە بەردەم باڵیۆزخانەی ئیسرائیل لە واشنتن خۆی سووتاند. 

ڕاگەیێنراوی فەرمی: پۆلیسی واشنتن دەڵێت، ئاگرەکەیان کوژاندووەتەوە و سەربازەکەیان ڕەوانەی نەخۆشخانە کردووە، ئێستاش دۆخی تەندروستی ناجێگیرە.

زانیاریی زیاتر: سەربازەکە وەک دەربڕینی ناڕەزایی بەرامبەر بە هێرشی ئیسرائیل بۆ سەر غەززە ئەم کارەی کردووە و هاواری کردووە "فەڵەستین ئازاد بکەن".

بۆچوونی لایەنی بەرامبەر: باڵیۆزخانەی ئیسرائیل لە واشنتن ڕایگەیاندووە، بەهۆی ئەم ڕووداوەوە هیچ زیانێک بەر کارمەندانی باڵیۆزخانەکە نەکەوتووە. 

باکگراوند: لە سەرەتای شەڕی ئیسرائیل و حەماس لە مانگی 10 ی ساڵی ڕابردوو، ئەمە دووەم ڕووداوی لەمجۆریە تۆمار بکرێت، پێشتریش کەسێکی ناڕازی  لە بەرامبەر کونسوڵخانەی ئیسرائیل لە ویلایەتی جۆرجیا خۆی سووتاند.