زەوییەكانی قەرەبووی گردجووتیاری هەولێر پڕۆژەی خزمەتگوزارییان بۆ دەچێت

ئاڤا نیوز

 

بە گوژمەی ملیارێک و 753 ملیۆن دینار پڕۆژەی خزمەتگوزاری بۆ ئەو زەوییانە جێبەجێ دەكرێت كە وەک قەرەبوو بە خاوەن زەوییەكانی گردجووتیاری هەولێر دراون.

 

زانیاریی بەدەستهاتوو: زەوییەكانی قەرەبووی گردجووتیار دەكەونە نزیک گوندی پیڕەش و ناونراوە ناوچەی پەرەپێدان، بە بڕیاری حكومەتی هەرێمی كوردستان، بە گوژمەی ملیارێک و 753 ملیۆن دینار، پڕۆژەی دانانی تۆڕی ئاو و دروستکردنی عەمباری ئاو و کاری میکانیكی و کارەبی  ژووری پەمپەکانی لێ جێبەجێ دەكرێت.

 

ڕاگەیێنراوی فەرمی: بەپێی ڕاگەیێنراوێكی بەڕێوەبەرایەتیی ئاوی هەولێر، ئەمڕۆ هەریەک لە بەڕێوەبەری گشتیی ئاو و ئاوەڕۆ  و سەرۆکی شارەوانیی هەولێر و بەڕێوەبەری ئاوی هەولێر و بەڕێوەبەری شارەوانی سێ لە نزیکەوە گوێیان لە داخوازی و داواکارییەکانی خاوەن زەوییەکانی قەرەبووی گردجووتیار گرتووە و بەڵێنیان داوە کە هەرچی زووە داخوازیەکانیان لە پاکێچی پڕۆژە خزمەتگوزاریەکەدا جێبەجێ بکرێت.

 

ئەوەی پێویستە بیزانیت: لە ماوەی ڕابردوودا سەرۆكایەتیی شارەوانیی هەولێر ڕێپێدانی دروستكردنی خانووی بە خاوەنی زەوییەكانی قەرەبووی گردجووتیاری هەولێر دا.