فیدان و بلینکن تاوتوێی دۆخی سووریای دوای ئەسەد دەکەن

ئاڤا نیوز

 

ئەنتۆنی بلینکن، وەزیری دەرەوەی ئەمریکا لە تورکیا چاوی بە هاکان فیدان هاوتا تورکییەکەی کەوت و لەگەڵی کۆبوووە.
 
زانیاریی بەدەسهتاوو: لە کۆبوونەوەکەدا هەردوولا تاوتوێی پێشهاتەکانی سووریایان لە دوای ڕوخانی دەسەڵاتی بەشار ئەسەد کرد.

 

لێدوانی فەرمی: ئەنتۆنی بلینکن، وەزیری دەرەوەی ئەمریکا ڕایگەیاند:"بەڕای من، کۆدەنگی لەسەر ئەوەی کە زۆربەمان دەمانەوێت بیبینین زیاتر دەبێت، چونکە ئەمە باشترین ڕێگایە بۆ بەدیهێنانی ئامانجەکانی گەلی سوریا. هەروەها باشترین ڕێگایە بۆ دڵنیابوونەوە لەوەی کە ئەوەی لە سوریا دێتە ئارا پشتگیری و دانپێدانانی نێودەوڵەتی هەبێت.

 

بلینکن دەشڵێت، لەگەڵ هاکان فیدان،  باسمان لەسەر گرنگیی بەردەوامبوون لە هەوڵەکانی سەرکوتکردنی داعش کرد. لە ماوەی چەندین ساڵی ڕابردوودا وڵاتەکانمان کاری زۆریان کرد و زۆریان بەخشی بۆ دڵنیابوونەوەی لەناوبردنی خیلافەتی داعش سەرزەوی و بۆ دڵنیابوونەوە لەوەی کە ئەو هەڕەشەیە سەرهەڵناداتەوە."

 

لەلایەکی دیکە: وەزیری دەرەوەی تورکیا دوای کۆبوونەوە لەگەڵ هاوتا ئەمریکیەکەی ڕایگەیاند، "ئەولەویەتی ئێمە ئەوەیە هەرچی زووە سەقامگیری لە سووریا بەدیبهێنرێت، هاوکات ئامانجمان ڕێگریکردنە لەوەی تیرۆریزم خاک بەدەست نەهێنێت و هەروەها دڵنیابوونەوەیە لەوەی داعش و پەکەکە دەستەڵاتیان نابێت."

 

زانیاریی زیاتر: بەر لە کۆبوونەوەی لەگەڵ وەزیری دەرەوەی تورکیا، هاکان فیدان لەگەڵ ڕەجەب تەییب ئەردوغانی سەرۆککۆماری تورکیا کۆبوەوە. کۆبوونەوەی بلینکن و ئەردوغان لە هۆبەی ڤی ئای پی لە ناو فڕۆکەخانەی ئەنقەرە بەڕێوە چوو و زیاتر لە کاتژمێرێکی خایاند.

 

ئەمەش بزانە: بلینکن بەر لە تورکیا، سەردانی ئوردونی کردبوو و لەوێش لەگەڵ پاشای ئەو وڵاتە دۆخی سووریای تاوتوێ کرد.