لە سووریا داوا لە هاوڵاتییان دەکرێت چەکەکانیان ڕادەست بکەن

ئاڤا نیوز

ژووری ئۆپەراسیۆنە سەربازییەکان کاتژمێرێک مۆڵەت بە خەڵکی دیمەشق دەدات تا چەکەکانیان ڕادەست بکەن، ئەگەر نا سزا دەدرێن.

 

وێنە گەورەکە: دوای ئەوەی ئەحمەد شەرع، فەرماندەی گشتی ئۆپەراسیۆنە سەربازییەکان لە سووریا لە نوێترین چاوپێککەوتنیدا لەگەڵ ڕۆژنامەنووسان ئەوەی خستەڕوو کە لەبواری ئەمنی لە قۆناغی داهاتوودا هەموو گرووپەکان هەڵدەوەشێنرێنەوە و چەک تەنیا لەدەستی دەوڵەتدا دەمێنێتەوە.

 

ڕاگەیێنراوی فەرمیی: ئەمڕۆ بە بڕیارێک ژووری ئۆپەراسیۆنی سەربازیی داوای لە هاووڵاتیانی سووریا و لە گەڕەکەکانی دیمەشق کرد، بەر لە دەستپێکردنی پڕۆسەی چوونە ژوورەوە و پشکنینی ماڵەکانیان، چەکەکانیان ڕادەست بکەن.

 

بەپێی بڕیارەکە، کاتژمێرێک مۆڵەت بە هاووڵاتیان دراوە، بۆ ئەوەی پێش دەستپێکردنی پرۆسەی چوونە ژوورەوە و پشکنینی ماڵەکان، چەکەکانیان ڕادەست بکەن، هەروەها سزای گونجاو بەسەر هەرکەسێکدا دەسەپێنن ئەگەر چەک لە ماڵەکەیاندا بدۆزرێتەوە و ڕادەستی نەکردبێت.

 

بۆچی گرنگە: ئامانجی ئەو هەنگاوە بۆ دامەزراندنی ئاسایشە لە سووریا و نەهێشتنی دزی و تاوانەکانە کە هەندێک کەس لە هەوڵدان بۆ تیرۆرکردنی خەڵک.

 

ئەوەی پێویستە بیزانیت: زۆرێک لە خەڵکی سووریا، بە تایبەت ئەندامانی کەمینەکان و ئەندامانی سوپای پێشوو، هێشتا ترسیان لە دەسەڵاتی ئێستای سووریای نوێ هەیە.