ئیسرائیل حەوت منداڵی خێزانێک دەکوژێت

ئاڤا نیوز

 

سوپای ئیسرائیل لە هێرشێکی ئاسمانییدا بۆ سەر کەرتی غەززە 10 ئەندامی خێزانێک دەکوژێت کە حەوتیان منداڵن و تەمەنی گەورەترین منداڵیان تەنیا شەش ساڵە.

 

ڕاگەیێنراوی فەرمی: سوپای ئیسرائیل لەبارەی ئەو ڕووداوەوە دەڵێت، "ئەوانەی کە کوشتوونی تیرۆریست بوون و سەرقاڵی چالاکیی تیرۆریستی بوون". بەڵام سەرجەمی قوربانییەکان مەدەنی و زۆربەشیان منداڵن.

 

زانیاریی زیاتر: هێرشەکە کراوەتە سەر خانوویەک لە ناوچەی جەبالیا لە باکووری کەرتی غەززە. جگە لە 10 کوژراو، لانیکەم 15 کەسی دیکەش بریندار بوون.

 

لەلایەکی دیکە: لە 14 مانگی ڕابردوودا ئیسرائیل زیاتر لە 45 هەزار فەلەستینی لە کەرتی غەززە کوشتووە. سەرەڕای هەموو هەوڵە نێودەوڵەتییەکان بۆ ئاگربەست، بەڵام ئیسرائیل لە هێرشەکانی بەردەوامە و ڕۆژانەش هێرشی نوێ دەکات.