مەسرور بارزانی: ئیدانەی هێرشە تیرۆرستییەکەی نیو ئۆرلیانز دەکەم

ئاڤا نیوز

 

سەرۆکوەزیران مەسرور بارزانی پەیامێکی لەسەر هێرشەکەی شاری نیو ئۆرلیانزی لە ئەمریکا بڵاوکردەوە و سەرۆکۆنەی دەکات و دەڵێت حکومەتی هەرێمی کوردستان هاوسۆزی گەلی ئەمریکایە.

 

چیرۆکی سەرەکی: بارهەڵگرێک لە شەقامی بۆڕبۆن لە شاری نیوئۆرلیانزی ئەمریکا خۆی دەکات بەنێو کۆبوونەوەیەکی جەماوەری کە بۆ ساڵی نوێ ڕێکخرابوو، بەهۆیەوە 10 کەس گیانیان لەدەستدا و نزیکەی 35 کەس بریندار بوون.

 

لێدوانی فەرمی: سەرۆکوەزیران مەسرور بارزانی لە تۆڕی کۆمەڵایەتی ئێکس ڕایگەیاند، "سەرکۆنەی هێرشە تیرۆرستییەکەی نیوئۆرلینزی ئەمریکا دەکەم، حکومەتی هەرێمی کوردستان هاوسۆزی بۆ قوربانیان و گەلی ئەمریکا دەردەبڕێت.

 

 سەرۆکوەزیرانی مەسرور بارزانی دەشڵێت، "هەرەشەی تیرۆر لەسەر ناوچەکە و دەرەوەی ناوچەکەش تاوەکو ئێستا ماوە. خەڵکی ئێمە و ئەمریکا لە شەڕی دژی تیرۆر قوربانی گەورەیان داوە".