لە هەولێر زیاتر لە هەزار مامۆستای گرێبەست دەستبەکار بوون

ئاڤا نیوز

 

بەڕێوەبەرایەتیی پەروەردەی بنەسڵاوە لە سنووری هەولێر زیاتر لە هەزار مامۆستا لە قوتابخانەکاندا بەشێوەی گرێبەست دادەمەزرێنێت.

 

ڕاگەیێنراوی فەرمی: بەگوێرەی نووسراوێک کە لە بەڕێوەبەرایەتیی پەروەردەی بنەسڵاوە دەرچووە، دوا بە دوای فەرمانی کارگێڕی ژمارە 11316 کە لە 2-10-2024 دەرچووە، هەزار و 54 مامۆستا لە چەند قوتابخانەیەکی دیاریکراودا بەشێوەی گرێبەست دەست بەکار دەبن.

 

ئەمەش بزانە: پێشتر عەلی رەئووف مستەفا، نوێنەرێکی مامۆستایانی گرێبەست بە ئاڤا میدیای ڕاگەیاند: ساڵانە بەپێی ڕێکارە یاسایی و کارگێڕییەکان، پاڵپشت بە نووسراوی رێنمایی ژمارە 10ی ساڵی 2019 وەزارەتی دارایی و ئابووری، گرێبەستی 37,933 مامۆستای گرێبەست نوێ دەکرێتەوە.

 

باکگراوند: ڕۆژی یەکشەممە 25-08-2024، سەرۆکوەزیران مەسرور بارزانی، پێشوازیی لە نوێنەری مامۆستایانی وانەبێژ کرد، دوای گوێگرتنی لە خواست و داواکارییەکانیان، بڕیاریدا لەسەر داهاتی ناوخۆ سەرجەم وانەبێژان کە ژمارەیان نزیکەی 38 هەزار مامۆستا دەبێت، بکرێنە گرێبەست.