دوو شەقامی قەرەباڵغی هەولێر نۆژەن دەکرێنەوە

ئاڤا نیوز

 

لەچوارچێوەی ئەو هەڵمەتەی بۆ چاککردنەوە و چاکسازی لە شەقامەکانی هەولێر دەستتپێکردووە، دوو شەقامی دیکە کاری چاکسازییان بۆ دەکرێت بەمەبەستی دووبارە نۆژەنکردنەوەیان.

 

 چیرۆکی سەرەکی: ئەمڕۆ پێنجشەممە کاری چاکسازی لە شەقامی 100 مەتری هەولێر تەواوبوو، هاوکات بڕیاری کارکردن لە دوو شەقامی دیکەش دەرچوو. 

 

ڕاگەیێنراوی فەرمی: بەڕێوەبەرایەتی هاتووچۆی هەولێر ڕایگەیاند: ئەمڕۆ 9-1-2025، کاری چاکسازی بۆ شەقامەکانی فلکەی زراعە و 40 مەتری بکرێت، ئەمەش بۆ لابردنی تاسە و ناڕێکییەکانی ئەو دوو شەقامەیە، کە بوونەتە هۆی سستکردنی جووڵەی هاتووچۆ .

 

زانیاریی زیاتر: بەڕێوەبەرایەتیی هاتووچۆی هەولێر داوا لە شۆفێران دەکات، تاوەکو کارکردن لە شەقامەکە کۆتایی دێت، ڕێگای بەدیل بەکاربهێنن.