سەرۆکی هەرێمی کوردستان لەگەڵ چوار سەرۆکایەتییەکەی عێراق کۆدەبێتەوە
- کوردستان
- 13 کانوونی دووەم

نێچیرڤان بارزانی، سەرۆکی هەرێمی کوردستان و محەممەد شیاع سوودانی، سەرۆکوەزیرانی عێراق، لەمیانەی بەشداریکردنیان لە کۆبوونەوەی هاوپەیمانی ئیدارەی دەوڵەت
ئاڤا نیوز
سەرۆکی هەرێمی کوردستان لە بەغدا لەگەڵ چوار سەرۆکایەتییەکەی عێراق و سەرکردەی لایەنە سیاسییەکان کۆدەبێتەوە، تەوەری سەرەکیش چارەسەرکردنی پرسی مووچە و کێشەکانی نێوان هەولێر و بەغدا دەبێت.
وێنە گەورەکە: یەکشەممە 12-1-2024، نێچیرڤان بارزانی، سەرۆکی هەرێمی کوردستان بۆ بەشداریی لە کۆبوونەوەی هاوپەیمانیی ئیدارەی دەوڵەت سەردانی بەغدای کرد و ئەمڕۆش لە میانی سەردانەکەیدا لەگەڵ چوار سەرۆکایەتییەکەی عێراق و سەرکردەی لایەنە سیاسییەکان کۆدەبێتەوە.
زانیاریی پەیامنێر: دەروون مەلا ناجی، پەیامنێری ئاڤا میدیا ڕایگەیاند: لە چوارچێوەی سەردانەکەی بۆ بەغدا، ئەمڕۆ دووشەممە نێچیرڤان بارزانی، سەرۆکی هەرێمی کوردستان لەگەڵ عەبدوللـەتیف ڕەشید، سەرۆککۆماری عێراق، محەممەد شیاع سوودانی، سەرۆکوەزیرانی عێراق، مەحموود مەشهەدانی، سەرۆکی ئەنجوومەنی نوێنەران و فایەق زێدان، سەرۆکی دەسەڵاتی دادوەریی عێراق و دادوەر جاسم محەممەد عەبود، سەرۆکی دادگەی باڵای فیدراڵیی عێراق کۆدەبێتەوە.
زانیاریی زیاتر: جگە لە چوار سەرۆکایەتییەکە، سەرۆکی هەرێمی کوردستان لەگەڵ سەرکردەی لایەنە سیاسییەکانیش کۆدەبێتەوە، تەوەری سەرەکیش چارەسەرکردنی پرسی مووچە و کێشەکانی نێوان هەولێر و بەغدا دەبێت.
ئەوەی پێویستە بیزانیت:دوای کۆتاییهاتنی کۆبوونەوەی ئیدارەی دەوڵەت، لە ڕاگەیێنراوێکدا سەرۆکی هەرێمی کوردستان ڕایگەیاند، وێڕاى جەختكردنەوە لە ماف و شايستە ياسایى و دەستوورييەكانى هەرێمى كوردستان، ستايشى ڕۆڵى سەرۆكوەزيران سوودانى كرد كە لە ماوەى ساڵى رابردوودا كارى كردووە بۆ لێكگەيشتنى هەولێر ـ بەغدا و هيواى خواست هەموو پرسەكان بە گفتوگۆ چارەسەر بكرێن.
ئەمەش بزانە: بەگوێرەی ڕاگەیێنراوی هاوپەیمانی ئیدارەی دەوڵەتیش، جەخت لەسەر ئەوە کرایەوە هیچ هەڵوێستێکی سیاسی لەسەر پرسی مووچەی مووچەخۆرانی هەرێمی کوردستان نییە، جگە لە بواری تەکنیکی نەبێت. ئەویش دەکرێت لە ڕێگەی گفتوگۆ و لێکتێگەیشتنەوە چارەسەر بکرێت.
زیاتر لەسەر ئەم بابەتانە بکۆڵەرەوە
دوایین هەواڵەکان
- جیهان
- 7 کاتژمێر لەمەوپێش
فەرەنسا: ئەوروپا هەڵەبوو لە سەپاندنی باج لەسەر کحولی ئەمریکا
- تەندروستی
- 7 کاتژمێر لەمەوپێش
فشاری دەروونی دەبێتە هۆی قژ هەڵوەرین
- عێراق
- 7 کاتژمێر لەمەوپێش
سوودانی دڵنیایی دەداتە ئەمریکا لە پاراستنی هێزەکانیان لە عێراق
هەڵبژاردەکان بۆ تۆ
- کوردستان
- 8 کاتژمێر لەمەوپێش
وەزارەتی کارەبا بەرهەمهێنانی کارەبا زیاد دەکات
- کوردستان
- 9 کاتژمێر لەمەوپێش
درۆنێکی تورکی لە قەزای دووکان دەکەوێتە خوارەوە
- کوردستان
- 14 کاتژمێر لەمەوپێش
ناوەڕۆکی کۆبوونەوەی مەسرور بارزانی و بافڵ تاڵەبانی
- کوردستان
- 15 کاتژمێر لەمەوپێش
چەند پەیامێک لە مەسرور بارزانی و بافڵ تاڵەبانییەوە