سوپای ئیسرائیل خۆی بۆ کشانەوە لە کەرتی غەززە ئامادە دەکات

ئاڤا نیوز

 

دوای ڕاگەیاندنی ئاگربەست و ئاڵوگۆڕکردنی دیلەکان لە نێوان ئیسرائیل و حەماس لە کەرتی غەززە، ڕۆژی یەکشەممە یەکەم قۆناغی ئاگربەستەکە دەچێتە بواری جێبەجێکردنەوە.

 

چیرۆکی سەرەکی: بڕیارە سبەی یەکەم قۆناغی ئاگربەستی کەرتی غەززە بچێتە بواری جێبەجێکردنەوە و سوپای ئیسرائیلیش خۆی بۆ کشانەوە لە بەشێک لە کەرتی غەززە ئامادە دەکات.

 

ڕاگەیێنراوی فەرمی: سوپای ئیسرائیل ڕایگەیاند: وەک یەکەم هەنگاو بۆ جێبەجێکردنی خاڵەکانی ڕێککەوتنی غەززە وردە وردە خۆمان بۆ کشانەوە لە هەندێک شوێن و ڕێگای ناو کەرتی غەززە ئامادە دەکەین، بەڵام ڕێگە بە  گەڕانەوەی دانیشتووانی فەڵەستین نادەین بۆ ئەو ناوچانەی کە هێزەکانی سوپا تێیدا جێگیرن و نزیک سنوورەکانی  ئیسرائیلن.

 

ئەوەی پێویستە  بیزانیت: لە قۆناغی یەکەمی ئاگر بەستدا،  پێویستە هێزەکانی ئیسرائیل لەڕێڕەوی نەتساریم بکشێنەوە، دواتر لە قۆناغی دووەمدا تەواوی هێزەکانی ئیسرائیل دەبێت لە کەرتی غەززە بکشێنەوە.