ماڵی کوردستان لە داڤۆس ڕۆژێکی پڕ چالاکی و کۆبوونەوەی دەبێت

ئاڤا نیوز

 

کۆبوونەوەکانی سەرۆکوەزیران مەسرور بارزانی، لە چوارچێوەی سەردانەکەیدا بۆ داڤۆسی سویسرا لە ماڵی کوردستان دەستپێدەکات.

 

چیرۆکی سەرەکی: ئەمساڵ کۆڕبەندی داڤۆس لەژێر ناونیشانی "هاوکاری بۆ سەردەمێکی زیرەک" دەکرێت، کۆمەڵێک پانێڵ و کۆبوونەوەی گرنگ ڕێکدەخرێن، هاوکات سەرۆکوەزیران مەسرور بارزانی، لەگەڵ سەرۆک و سەرکردەکانی جیهان لە ماڵی کوردستان کۆ دەبێتەوە و چوار ڕۆژی پڕ چالاکی، پانێڵ و کۆبوونەوەی گرنگی ئابووری لە ماڵی کوردستان ڕیک دەخرێن.

 

لێدوانی فەرمی: هێمن لهۆنی، ڕاوێژکاری سەرۆکوەزیران و ڕێکخەری ماڵی کوردستان لە داڤۆس بە ئاڤا میدیای ڕاگەیاند: ساڵی ڕابردوو بە دەستپێشخەری سەرۆکوەزیران بەشداریکردنی هەرێمی کوردستان لە کۆڕبەندەکە گۆڕدرا، پێشتر تەنها بەشداریی سیاسی بوو، بەڵام ئەمساڵ 11 وەبەرهێنەری نیشمانیی کوردستان بەشدارن و ئامانجیش ئەوەیە کە وەبەرهێنەران لە کۆڕبەندێکی وا گرنگ قسەیان هەبێت.

 

ئەوەی پێویستە بیزانیت: هێمن لهۆنی، ڕاوێژکار و بەرپرسی ئۆفیسی دەستپێشخەریی و پەیوەندیییەکانی سەرۆکوەزیران مەسرور بارزانی و ڕێکخەری ماڵی کوردستان لە داڤۆس ڕایگەیاند: ئەمساڵ چەندین وڵات داوایان کردووە سەردانی ماڵی کوردستان بکەن لە داڤۆس، بەوپێیەی باوەڕیان وایە دەتوانن وەبەرهێنان لە هەرێمی كوردستان بکەن.