کۆگایەکی کەلووپەلی خۆراکی ماوەبەسەرچوو دەستی بەسەردا گیرا

ئاڤا نیوز

 

لە هەولێر کۆگایەکی کەلووپەلی خۆراکی ماوەبەسەرچوو دەستی بەسەرداگیرا، کە بەرواری کەلووپەلی ماوەبەسەرچوویان گۆڕیوە بە بەروارێکی نوێ و خستویانەتەوە بازاڕەوە.

 

چیرۆکی سەرەکی: ئەو خۆراکانەی لەم کۆگایانە دەستیبەسەردا گیراوە، چەند مانگێکە ماوەکەیان بەسەرچووە و لە بازاڕەکاندا دەفرۆشرێن، لیژنەکانی قایمقامیەت و ئاسایش و پۆلیسیش دەستیان بەسەردا گرتن.

 

ئەوەی پێویستە بیزانیت: لە ئەنجامی هەڵمەتەکەدا 994  کیلۆ گرام زیتونى تێکچوو، 600  کیلۆگرام سرکەى هەنارى ماوەبەسەرچوو و 16 گیلۆگرام هەنگوین کە لە مانگى 7ى 2024 بەسەرچووە، دەستیبەسەردا گیرا.