هەفتەی داهاتوو نەتانیاهۆ سەردانی واشنتن دەکات

ئاڤا نیوز

 

دۆناڵد ترەمپ، سەرۆکی ئەمریکا بەفەرمی بانگێهێشتنامەی بۆ بنیامین نەتانیاهۆ، سەرۆکوەزیرانی ئیسرائیل ناردووە و هەفتەی داهاتوو کۆدەبنەوە.

چیرۆکی سەرەکی: دوای دەستبەکاربوونی دۆناڵد ترەمپ وەک 47ـەمین سەرۆکی ئەمریکا، بنیامین ناتانیاهۆ، سەرۆکوەزیرانی ئیسرائیل یەکەم سەرکردەیە سەردانی کۆشکی سپی دەکات.

 

ڕاگەیێنراوی فەرمی: بەگوێرەی نووسینگەی سەرۆکی ئەمریکا، دۆناڵد ترەمپ بانگهێشتنامەیەکی بۆ بنیامین نەتانیاهۆ، سەرۆکوەزیرانی ئیسرائیل ناردووە  بۆ ڕۆژی 2025-02-04، تاوەکو سەردانی کۆشکی سپی بکات.

ئەوەی لەبارەیەوە دەگوترێت: پرسی ‌غەززە و حەماس و حیزبوڵڵا بابەتی سەرەکی گفتۆگۆیەکان دەبن، ترەمپیش لە ڕۆژانی ڕابردوودا، پشتیوانی خۆی بۆ ئیسرائیل دووپاتکردەوە بەتایبەت بەرامبەر ئەم گرووپانە.