بۆ جاری دووەم ئەمریكا لە ڕێگەی ئاسمانەوە هاوكاری گەیاندە غەززە

ئاڤا نیوز

بەهۆی ئاڵۆزییەکانی کەرتی غەززەوە، ئەمریکا بۆ جاری دووەم لە ڕێگەی ئاسمانەوە بە پەرەشووت هاوکاری گەیاندە کەرتی غەززە لە فەڵەستین.

وێنە گەورەکە: بۆ ئەوەی بەخێراترین شێوە هاوکارییەکانی ئەمریکا بگاتە ئاوارەکانی کەرتی غەززە لە ڕەفەح، ئەمریکا بە پەرەشووت و لە ئاسمانەوە هاوکاری گەیاندە ناوچەکە و ئەمریکاش دەڵێت، بەردەوام دەبن لە گەیاندنی ئەم شێوازە هاوکارییە بۆ کەرتەکە.

بۆچی گرنگە: زیاتر لە ملیۆنێک و 400 هەزار کەس لە ڕەفەح، پێویستیان بەهاوکاریی مرۆیی هەیە، بەڵام بە ئاسانی هاوکارییەکانیان پێناگات، بەتایبەتی دوای ئەوەی نێوان ئیسرائیل و نەتەوەیەکگرتووەکان ئاڵۆزی زیاتری تێکەوت، ئەمریکا بۆ ئەوەی هاووکارییەکان بگاتە دەستی خەڵک لە ئاسمانەوە هاوکارییەکان دەنێرێت.

لێدوانی فەرمی: فەرماندەی ناوەندیی ئەمریکا ڕایگەیاند: هاوکارییەکان لە ڕێگەی فڕۆکەوە بوون، سێ فڕۆکە  کارەکەیان کردووە، هێزی ئاسمانی شاهانەی ئوردنیش بەشدار بووە.