لە بەردەڕەش حکومەت زەوی لە چەند هاووڵاتییەک وەردەگرێتەوە

ئاڤا نیوز

لە سنووری قەزای بەردەڕەش نزیکەی 13 ساڵە ژمارەیەک هاووڵاتی لەلایەن حکومەتەوە زەوییان پێدراوە، بەڵام بەهۆی ئەوەی مامەڵەی تاپۆکردنیان نەکردووە، حکومەت زەوییەکانیان لێوەرگرتوونەتەوە.

چیرۆکی سەرەکی: لە ساڵی 2012 دەیان کەس لە سنووری پارێزگای دهۆک حکومەت زەوی پێداون، بەشێک لە خاوەن زەوییەکان چاوەڕێ بوون تەلەفۆنیان بۆ بکرێت تاوەکو تاپۆی بکەن، بەڵام کەس تەلەفۆنیان بۆ نەکردوون و ئەوانیش بەدوایدا نەڕۆیشتوون، بۆیە حکومەت لێی وەرگرتوونەتەوە. ئەم کێشەیە زیاتر لە سنووری بەردەڕەشە.

لێدوانی فەرمی: دیار بەحری، بەڕێوەبەری گشتیی شارەوانی دهۆک بە ئاڤای ڕاگەیاند:

- بەپێی بڕیاری ئەنجوومەنی وەزیران هەر کەسێک کە زەوی وەردەگرێت لە سێ ساڵ زیاتر مەمەڵەی تاپۆ نەکات، زەوییەکەی لێ وەردەگیرێتەوە، لەسەر ئەم بڕیارە زەوییەکانی چەند هاونیشتمانییەک لە بەردەڕەش سەحب کراونەتەوە.

- نووسراومان بۆ وەزارەتی شارەوانی کردووە، هاوکاریی ئەو کەسانە بکرێت و زەوییەکەیان بۆ بگەڕێتەوە و چاوەڕێی وەڵامی وەزارەتین.

- لە ماوەی ڕابردوو هەر لە قەزای بەردەڕەش کەسێک هەمان کێشەی هەبوو، بەدواداچوونی کرد نووسراوەکەی گەڕایەوەو لە وەزارەت زەوییەکەی وەرگرتەوە.