لە ڕێگای هەولێر - مەخموور بارهەڵگرێک دەستی بەسەردا دەگیرێت

ئاڤا نیوز

 

بەڕێوەبەرایەتی هاتووچۆی هەولێر دەستبەسەرداگرتنی بارهەڵگرێکی ڕاگەیاند، کە پاتری کۆنی بارکردبوو تێزابی لێ ڕژاوە.

چیرۆکی سەرەکی: ئەمڕۆ دووشەممە،  بارهەڵگرێک کە بڕێکی زۆر پاتری کۆنی ئۆتۆمبێلی هەڵگرتبوو، لەسەر شەقامی هەولێر - مەخموور تیزابی لێ ڕژاوە و بەوهۆیەشەوە مەترسی لەسەر هاتووچۆی شەقامەکە دروست کردووە.

ڕاگەیێنراوی فەرمی: هاتووچۆی هەولێر ڕایگەیاند: لە ڕێگای هەولێر - مەخموور ئەو بارهەڵگرەی بەهۆی هەڵگرتنی پاتری کۆنەوە تیزابی لێ دەڕژا دەستی بەسەردا گیرا.

زانیاری زیاتر: بەهۆی ڕژانی تیزاب بەسەر شەقامەکەدا مەترسی لەسەر ئەو ئۆتۆمبێلانە دروست کردبوو، کە بە شەقامەکەدا تێپەڕیوون.

ئەوەی پێویستە بیزانیت: بەڕێوەبەرایەتی هاتووچۆی هەولێر، داوا لەو شۆفێرانە دەکات، کە بەدوای ئەو بارهەڵگرەدا ڕۆیشتوون و زیان بەر ئۆتۆمبێلەکەیان کەوتووە، بچن و سکاڵای یاسایی لەسەر بارهەڵگرەکە تۆمار بکەن.