هاوکاریی هاوپەیمانان بۆ مانگی یەک دابەش دەکرێت

ئاڤا نیوز

ئەمڕۆ دەستدەکرێت بە دابەشکردنی هاوکاریی هاوپەیمانان بەسەر ئەفسەر و پێشمەرگەکانی سەر بە دیوانی وەزارەت و یەکەکانی پیادە. 

چیرۆکی سەرەکی: ئەمڕۆ پێنجشەممە 6ـی شوباتی 2025 هاوکاریی دارایی هاوپەیمانان بۆ مانگى یەکی 2025 بەسەر ئەفسەر و پێشمەرگەکانی سەر بەدیوانی وەزارەت و یەکەكانى پیادەی وەزارەتی پێشمەرگە، دابەش دەکرێت، ئەمەش دوای ئەوەی هاوکاریی هێزەکانی هاوپەیمانان بۆ هێزی پێشمەرگە، خرایە سەر هەژماری وەزارەت، بەڕێوەبەرایەتی گشتی بوودجە و بەرنامەکان، ڕێکارە دارایی و ژمێریارییەکانی بەکۆتا هێناوە.

ڕاگەیێنراوی فەرمی: لە ڕاگەیێنراوێکدا وەزارەتی پێشمەرگە ئاماژە بەوە دەکات، هاوکارییە داراییەکانی هاوپەیمانان بەردەوام دەبێت. لەم مانگە سەرووی 40 هەزار پێشمەرگە و ئەفسەری سەر بە وەزارەتەکەمان، لە رێگەی پڕۆژەی هەژماری من هاوکاریی هاوپەیمانان وەردەگرن.