فەرمانبەرانی گرێبەست سێشەممە مووچە وەردەگرن

ئاڤا نیوز

 
بەگوێرەی خشتەی ڕاگەیێنراوی وەزارەتی دارایی و ئابووری بێت، سبەی یەکشەممە، 10 وەزارەت لەگەڵ ئەنجوومەنی دادوەری مووچەکانیان وەردەگرن.

 

وێنە گەورەکە: دوای ڕێککەوتنی نێوان هەردوو وەزارەتی دارایی ئابووری هەرێمی کوردستان و فیدڕاڵ لە ڕۆژی 3ـی ئەم مانگە، بڕیاردراوە هەموو مانگێک لەگەڵ فەرمانبەرانی عێراق، فەرمانبەرانی هەرێمی کوردستانیش مووچەکانیان وەربگرن.

 

زانیاریی زیاتر: سبەی یەکشەممە، مووچەی هەریەکە لە وەزارەتەکانی ئاوەدانکردنەوە و نیشتەجێکردن، تەندروستی، ناوخۆ، داد، پلاندانان، بازرگانی و پیشەسازی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانی و گەشتوگوزار لەگەڵ ئەنجوومەنی دادوەری مووچەی مانگی یەک وەربگرن.

 

ئەمەش بزانە: بەپێی ڕاگەیێنراوی وەزارەتی دارایی و ئابووری، بڕیارە ڕۆژی سێشەممەی ئەم هەفتەیە مووچەی مامۆستایانی گرێبەست لە سەرتاسەری هەرێمی کوردستان دابەش بکرێت، کە ژمارەیان 37 هەزار و 933 مامۆستایە و لەسەر تەمویلی داهاتی ناوخۆ مووچەکانیان دابینکراوە.

 

بەتەنیشت ئەم بابەتەوە: فەرمانبەرانی بەشدار لە پڕۆژەی هەژماری من، ڕۆژێک زووتر مووچەکانیان وەردەگرن کە ژمارەیان دەگاتە 275 هەزار فەرمانبەر.