گوێز بخۆ و پارێزگاری لە پیربوون بکە

ئاڤا نیوز

 

گوێز جگە لەوەی دەوڵەمەندە بە ترشە چەورییەکان، سەرچاوەیەکی باشیشە بۆ چەورییە تەندروستەکانی دڵ، ڕێژەیەکی زۆر ڕیشاڵی تێدایە و پڕە لە ماددە خۆراکییە بچووکەکان و دژە ئۆکسێنەرەکان، کە پاڵپشتیی تەندروستیی گشتی دەکەن.

 

چیرۆکی سەرەکی: لە توێژینەوەی "تەندروستیی پەرستاران"،  کە لە گۆڤاری "توێژینەوەکانی پیربوون" بڵاوکراوەتەوە، بەدواداچوون بۆ 33 هەزار و 931 ئافرەت کراوە، کە تەمەنیان لە کۆتایی 50 ساڵان و سەرەتای 60 ساڵاندا بووە و هەڵسەنگاندنیان بۆ خۆراک و تەندروستیی جەستەیی، یادەوەری و دۆخی نەخۆشییە درێژخایەنەکانیان کردووە. لە کۆتاییدا دەرکەوتووە ئەو ئافرەتانەی هەفتانە لانیکەم دوو ژەم گوێزیان خواردووە، بەڕێژەی زیاتر لە 20% وەک "ئافرەتانی بەساڵاچووی تەندروست" پۆلێن کراون لەچاو ئەوانەی گوێزیان نەخواردووە.

 

لێدوانی فەرمی: مێلیسا جایگەر، پسپۆڕی خۆراک دەڵێت: "لە کاتێکدا هەموو چەرەزەکان چەوریی تەندروستیان تێدایە، بەڵام گوێز زیاتر دەوڵەمەندە بە چەورییە ناتێرەکان، بەتایبەتی ترشە چەورییەکانی ئۆمیگا سێ و ترشی ئەلفا-لینۆلێنیک، هاوکات یەک ژەم گوێز ماددە خۆراکییە بەنرخەکانی وەک پرۆتین، ڕیشاڵ و مەگنیسیۆمی تێدایە".

 

لەلایەکی دیکەوە: جوانا گرێگ، پسپۆڕی خۆراک ڕایدەگەیێنیت: چەندین لێکۆڵینەوە دەریدەخەن خواردنی گوێز مەترسیی تووشبوون بە نەخۆشییەکان کەم دەکاتەوە، لەوانە: نەخۆشییەکانی دڵ و خوێنبەرەکان، خەمۆکی و شەکرە. هاوکات کارکردنی یادگە باشتر دەکات و پارێزگاری لە دابەزینی ئاستی تێگەیشتنی پەیوەست بە تەمەنەوە دەکات.

 

کاریگەرییە ئەرێنییەکان: گوێز پاڵپشتیی تەندروستی دڵ و ڕیخۆڵە دەکات، هەوکردن کەمدەکاتەوە و دۆخی تەندروستی بەرەوپێش دەبات.