دەرمان و پێداویستی بۆ سایلۆکانی هەرێمی کوردستان دابین دەکرێت

ئاڤا نیوز

 

وەزارەتی بازرگانی عێراق سەبارەت بۆ پاراستنی گەنمی جووتیارانی هەرێمی کوردستا،  پێداویستی پاکژکردنەوە و چادر بۆ سایلۆکان دابین دەکات، ئەگەری زیادکردنی ئەو بڕە گەنمەش هەیە کە لە پلانی کشتوکاڵی ساڵدا بڕیاری وەرگرتنی لەسەر دراوە.

 

وێنە گەورەکە: ساڵانە وەزارەتی بازرگانی عێراق، دەرمان و پێداویستی سایلۆکانی خۆی دابین دەکات، بەبێ ئەوەی پشکی هەرێمی کوردستان دابین بکات، جگە لەوەش بەهۆی وشکەساڵییەوە بڕیاری کەمکردنەوەی قەبارەی گەنمی لە سایلۆکان داوە.

 

لێدوانی فەرمی: میران بەختیار، بەڕێوەبەری سایلۆی هەولێر بە ئاڤای گوت، "لە سەردانەکەم بۆ بەغدا بەڵێنم لە وەزارەتی بازرگانی عێراق وەرگرتووە، لەسەر دابینکردنی دەرمانی پاکژکردنەوە (فۆستۆسین) و چادر کە پەنکەری گەنمی لەنێودا هەڵدەگیرێت بۆ سایلۆکانی هەرێمی کوردستان، بەنووسراوی فەرمیش داواکارییەکە دەگەیێنین."

 

ئەوەی پێویستە بیزانیت: بەگوێرەی پلانی کشتوکاڵی عێراق، لەمساڵدا پشکی هەرێمی کوردستان بە 400 هەزار تۆن دیاریکراوە، هاوکات 15-03-2025 وەکو دوایین وادە دیاریکراوە بۆ ئەوەی سەرجەم پارێزگاکان ڕووپێوی زەوی 

 

باکگراوند: ساڵی ڕابردوو لە کۆی ملیۆنێک و 400 هەزار تۆن گەنمی هەرێمی کوردستان، تەنیا 700 هەزار تۆن لەلایەن حکومەتی عێراق وەرگیرا.