عێراق دەیەوێت پەرە بە پەیوەندییەکانی لەگەڵ تورکیا بدات

ئاڤا نیوز

 

ڕاوێژکاری ئاسایشی نیشتمانیی عێراق و سکرتێری گشتیی ئەنجوومەنی ئاسایشی نیشتمانیی تورکیا لە ئەنقەرە کۆبوونەوە و عێراق دڵنیایی داوەتە تورکیا کە ڕێگە نادات خاکی وڵاتەکەی بۆ هێرشکردنە سەریان بەکاربهێنرێت.

 

وێنە گەورەکە: کۆبوونەوەی ئەمجارەی قاسم ئەعرەجی و سەیفوڵڵا حاجی موفتی لە ئەنقەرە، بۆ تاوتوێکردنی پرسەکانی ئاسایشی ناوچەکە، ئاو و کۆنترۆڵکردنی سنوورەکان بوو.

 

بۆچی گرنگە؟ عێراق و تورکیا پەیوەندییەکی مێژوویی قووڵیان هەیە و عێراق هەوڵدەدات پەرە بەو پەیوەندییانە بدات، ئەمەش بەشێوەیەک بێت کە خزمەت بە بەرژەوەندیی هەر دوو وڵاتی دراوسێ بکات.

 

ڕاگەیێنراوی فەرمی:  "قاسم ئەعرەجی و موفتی ئۆغڵو لە ئەنقەرە کۆبوونەوە بۆ تاوتوێکردنی دوایین پێشهاتەکانی دۆخی سیاسی و ئەمنی لەسەر ئاستی نێودەوڵەتی و ناوچەیی، هەروەها ڕێگاکانی بەرەوپێشبردنی پەیوەندیی هاوکاری نێوان بەغدا و ئەنقەرە لە هەموو ئاستەکان". نووسینگەی ڕاوێژکاری ئاسایشی نیشتیمانی عێراق ڕایگەیاندووە.