پێشمەرگەی یەکەکانی 70 و 80 زەوی وەردەگرن؟

ئاڤا نیوز

لە قۆناغی دووەمی دابەشکردنی زەوی ناوی زیاتر لە 200 هەزار کەس پەسەندکراوە و دەگەرێتەوە بۆ شارەوانییەکان، بەگوێرەی زەوی بەردەستیش لە شارەوانییەکان لە پێدانی زەوی سوودمەند دەبن.

داواکاریی خەڵک: پێشمەرگەکانی یەکەکانی 70 و 80 پەیوەندی بە ئاڤا میدیاوە دەکەن و دەڵێن: نازانین لە وەرگرتنی زەوی سوودمەند دەبین یاخود نا. بۆیە ئاڤا میدیا داواکارییەکانیانی گەیاندە لایەنی پەیوەندیدار.

لێدوانی فەرمی: سەربەست مەولوود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی بە ئاڤا میدیای ڕاگەیاند: یەکەکانی 70 و 80 لە چوارچێوەی وەزارەتی پێشمەرگەدا مامەڵەیان لەگەڵدا دەکرێت، هەر کاتیک وەزارەتەکە ناوەکانمان بۆ بنێرێت، ئێمەش وربینی بۆ فۆرمەکانیان دەکەن و بەپێی ڕێنماییەکان لە وەرگرتنی زەوی سوودمەند دەبن.

زانیاریی زیاتر: یەکەکانی 70 و 80 دەچنە چوارچێوەی وەزارەتی پێشمەرگە، زێرەڤانی، بەرگری و فریاکەوتنیش لە چوارچێوەی وەزارەتی ناوخۆ دان، حکومەتی هەرێمی کوردستان هاوشێوەی فەرمانبەرانی مەدەنی مامەڵەیان لەگەڵدا دەکات و سوودمەند دەبن لە وەرگرتنی زەوی.

باکگراوند: بە بڕیاری سەرۆکوەزیران مەسرور بارزانی، دابەشکردنی زەوی بەسەر فەرمانبەراندا دەستیپێکردووە و دەیان هەزار کەس سوودمەند دەبن، بەمەش لە ناوچە جیاوازەکانی هەرێمی کوردستان و سنووری شارەوانییەکان زەویان پێ دەدرێت.