پێنجەم عومرەکاری کورد لە سعوودیە کۆچی دوایی کرد

ئاڤا نیوز

عومرەکارێکی کوردستانی دانیشتووی شاری سلێمانی، لە مەککە کۆچی دوایی کرد، ئەمەش پێنجەم عومرەکاری کوردە لە سەرەتای ساڵی 2025 ـەوە کە لە سعوودیە کۆچی دوایی بکات.

چیرۆکی سەرەکی: ڕۆژی 15-02-2025 لەنێو حەرەمی مەککەی پیرۆز، ژنێک بەناوی شەهلا عوسمان فەتحولڵا کۆچی دوایی کرد کە تەمەنی سەرووی 50 ساڵانە بەمەبەستی بەجێگەیاندنی عومرە سەردانی سعوودییەی کردبوو.

لێدوانی فەرمی: کاروانی ستوونی، وتەبێژی بەڕێوەبەرایەتی گشتی حەج و عومرەی کوردستان بە ئاڤای گوت، "ئەمە پێنجەمیین عومرەکاری کوردە کە لەسەرەتای ئەمساڵەوە لە سعوودیە کۆچی دوایی بکات، هەر ئەمڕۆ لە مەککەی پیرۆز بە خاک دەسپێردرێت."