ئەمریکا و چین لەسەر سەپاندنی باج گفتوگۆ دەکەن

ئاڤا نیوز

 

لەسەر پرسی سەپاندنی باج و گفتوگۆکردن لەسەر پەیوەندییەکانی نێوان ئەمریکا و چین، وەزیری گەنجینەی ئەمریکا و هی لیفێنگ، جێگری سەرۆکوەزیرانی چین، پەیوەندییەکی تەلەفۆنییان ئەنجامدا.

 

وێنە گەورەکە: دوای دەستبەکاربوونی دۆناڵد ترەمپ وەک سەرۆکی ئەمریکا، بڕیاریدا بە سەپاندنی باجی زیاتر لەسەر ئەو بەرهەمە چینیانەی دەچنە ئەمریکا و ئەمەش نیگەرانی چینی لێکەوتووەتەوە و وەزارەتی دەرەوەی ئەو وڵاتە ڕایگەیاند، هیچ لایەنێک لە جەنگی ئابووریدا براوە نابێت.

 

هۆکارە زانراوەکان: میدیای فەرمی چین ڕایگەیاند، لە میانی پەیوەندییەکەی تەلەفۆنیدا هی لیفێنگ، جێگری سەرۆکوەزیرانی چین نیگەرانییەکانی حکومەتی چینی سەبارەت بە سەپاندنی باجی زیاتر لەسەر چین گەیاندە سکۆت بێسێنت، وەزیری گەنجینەی ئەمریکا.

 

-هەردوولا ڕێککەوتوون لەسەر پاراستنی پەیوەندییەکان لەسەر ئەو پرسانەی کە جێگەی نیگەرانی هەردوولان.

باکگراوند: لەدوای دەستبەکاربوونی سەرۆکی نوێی ئەمریکا، ڕاستەوخۆ بڕیاردا بە بەرزکردنەوەی ڕێژەی باج بە ئەندازەی %10، هاوتەریب لەگەڵ ئەوە حکومەتی چینیش هەمان بڕی باجی لەسەر هاوردەکراوە ئەمریکییەکان سەپاند.