عومەر فەقێ لەلایەن پۆلیسی هەولێر دەستبەسەر کرا

ئاڤا نیوز

لەسەر سكاڵای ژمارەیەك ڕێكخراوی بواری جینۆساید،  لەلایەن دادگای كەلارەوە بڕیاری دەستگیركردنی عومەر فەقێ، چالاكوان درا، ئەمڕۆ لەلایەن پۆلیسی هەولێر دەستبەسەر کرا.

چیرۆكی سەرەكی: عومەر مەحموود فەقێ كە وەك چالاكوان لە تۆڕە كۆمەڵایەتییەكان ناسراوە لە دیدارێكی میدیاییدا نزای بۆ سەدام حوسێن، سەرۆكی پێشووتری عێراق كرد، ئەمە كاردانەوەی توندی خەڵك بە گشتی و كەسوكاری شەهیدان و ئەنفالكراوانی بەتایبەت لێكەوتەوە و لە هەولێر و گەرمیان سكاڵای یاسایی لەسەر تۆمار كرا.

زانیاریی تایبەت: سەرچاوەیەک لە پۆلیسی هەولێر بە ئاڤای ڕاگەیاند، دوای سکاڵای هاوڵاتییان بە تایبەت کەسوکاری ئەنفالکراوەکان، عومەر فەقێ لە لایەن پۆلیسی هەولێرەوە دەستبەسەر کرا.

زانیاری بە دەستهاتوو: بە پێی زانیارییەکانی ئاڤا، عومەر فەقێ ئازاد ناکرێت تاوەکو دادگا بڕیاری لەسەر نەدا، لە زیندان دەمێنێتەوە.