لیستی مووچەی مانگی دوو بۆ بەغدا نێردرا

ئاڤا نیوز

ئامادەکارییەکان بۆ ڕادەستکردنی لیستی مووچەی مانگی دووی مووچەخۆرانی هەرێمی کوردستان تەواوبوون و کەمێک بەر لەئێستا لیستەکە ڕەوانەی بەغدا کرا.

چیرۆکی سەرەکی: لیستی مووچەی مانگی دوو بە سیستمی پەیڕۆڵ ئامادەکراوە و سەرجەم کێشەکانی چارەسەرکراون، نزیکەی 680 هەزار کەس تۆماركراوە، ناوی فەرمانبەرانی مەدەنی و سەربازیش کرا بە یەک لیست و خانەنشینانی نوێش جیاکراونەتەوە.

ڕاگەیێنراوی فەرمی: وەزارەتی دارایی و ئابووری ڕایگەیاند: کەمێک بەر لەئێستا لیستی مووچەی مانگی دوو بە سیستمی پەیڕۆڵ لەڕێگەی تیمی تەکنیکی وەزارەتەوە ڕەوانە بەغدا کرا.

ئەمەش بزانە: لیستی مووچەی مانگی دوو دەكرێتە بنەما بۆ مانگەکانی ئەمساڵ و بەهۆی ڕاگرتنی سەرمووچە و پلەبەرزكردنەوە و گواستنەوە لەلایەن بەغداوە، بۆیە بۆ ئامادەکردنی لیستی مانگەكانی دیكە ئاسانتر دەبێت و کەمتر لە دوو هەفتەی پێویست دەبێت.